Երևանի ճարտարապետության և շինարարության պետական համալսարան

Առաջին պաշտոնական հանդիպումը TACIS-TEMPUS դրամաշնորհային ծրագրի շրջանակներում տեղի է ունեցել 2007թ. դեկտեմբերին Երևանում: ԵրՃՇՊՀ-ը հյուրընկալել էր պատվիրակություններ ՏԹԻ-ից (Սթոքհոլմ) և Լոնդոնի Արևելյան Համալսարանից 2007թ. դեկտեմբերի 3-8:

Այցի ընթացքում ծրագրի կառավարման խմբի կողմից մի շարք հանդիպումներ եւ ուղևորություններ կազմակերպվեցին դեպի պետական կառույցներ և մասնավոր կազմակերպություններ: Այցի առաջին օրը նվիրված էր ԵրՃՇՊՀ –ի ամբիոնների, ադմինիստրացիայի և կառավարման ներկայացմանը, ինչպես նաև հանդիպումներ եղան Էկոնոմիկայի ֆակուլտետի դեկանի և Էկոնոմիկայի, իրավունքի և կառավարման ամբիոնի վարիչի հետ: Էկոնոմիկայի, իրավունքի կառավարման ամբիոնի վարիչ Սարգիս Ստեփանյանի և ծրագրի ղեկավարի հետ հանդիպումների ժամանակ քննարկվեցին նոր Մագիստրոսական ծրագրի հիմնադրման կարևորությունը և անհրաժեշտությունը:

Էկոնոմիկայի, իրավունքի և կառավարման ամբիոնի վարիչի կարծիքով անշարժ գույքի էկոնոմիկայի և կառավարման մասնագետները մասնակցել են նոր Մագիստրոսական ծրագրի սեմինարներին և քննարկումներին, որտեղ քննարկվել են նոր Մագիստրոսական ծրագրի ստեղծմանը վերաբերող հարցեր: Քննարկվեցին կրթական ոլորտին ուղղված մոտեցումները` անշարժ գույքի, էկոնոմիկայի և կառավարման ոլորտի մագիստրական նոր ծրագրի ստեղծման հետ կապված հարցեր: Հայաստանում այս ոլորտի շուկայի զարգացման բավական մեծ հեռանկար է սպասվում: Շուկան հիմնականում ձևավորում են անշարժ գույքի գործակալությունների, քաղծառայության, կադաստրի աշխատակիցները, ինչպես նաև անկախ գնահատողները: Հայաստանում դեռ չկան այն անհրաժեշտ մասնագետները, ովքեր գիտական հիմունքների վրա կուղղորդեն ՀՀ անշարժ գույքի շուկայի զարգացման ուղղությունը: Ծրագիրը նախատեսում է Համալսարանին կից բացել ուսումնական կենտրոն, որտեղ վերը նշված շուկայի մասնագետները կանցնեն վերապատրաստում: Այստեղ եվրոպական փորձը անցած ամբիոնների դասախոսական անձնակազմը կհաղորդի այն բոլոր անհրաժեշտ նորությունները` տեսական, գործնական, նոր տեխնիկայի կիրառման, որը ներկայումս լայնորեն կիրառվում է Եվրոպայում և անհրաժեշտ է կիրառել մեր հանրապետությունում:

Հայաստանի փոքր և միջին ձեռնարկատիրության զարգացման ազգային կենտրոն

2007թ. դեկտեմբերի 4-ին ՏԹԻ պատվիրակությունը այցելելց “Հայաստանի փոքր և միջին ձեռնարկատիրության զարգացման ազգային կենտրոն”: ”Հայաստանի փոքր և միջին ձեռնարկատիրության զարգացման ազգային կենտրոն՚ հիմնադրամը (Հայաստանի ՓՄՁ ԶԱԿ) ստեղծվել է ՀՀ կառավարության 2002 թվականի մարտի 19-ի N 282-Ն որոշմամբ: Հայաստանի ՓՄՁ ԶԱԿ-ը ՀՀ-ում առաջին ազգային կառույցն է, որը կոչված է իրականացնելու փոքր և միջին ձեռնարկատիրությանը (ՓՄՁ) պետական աջակցությունը և ոլորտի զարգացմանն ուղղված ծրագրերը, ապահովելու կապը փոքր և միջին ձեռնարկատիրության սուբյեկտների և պետական կառույցների միջև:

Հայաստանի ՓՄՁ ԶԱԿ-ի կառավարման բարձրագույն մարմինը հոգաբարձուների խորհուրդն է: Հայաստանի ՓՄՁ ԶԱԿ-ի հոգաբարձուների խորհրդի անդամները ներկայացնում են մի շարք պետական կառույցներ և ՓՄՁ սուբյեկտների շահերը ներկայացնող հեղինակավոր հասարակական կազմակերպություններ:

Հայաստանի ՓՄՁ ԶԱԿ-ն իր գործունեությունն իրականացնում է Երևանում գտնվող կենտրոնական գրասենյակի և ՀՀ բոլոր մարզերում ստեղծված մասնաճյուղերի միջոցով: Հայաստանի ՓՄՁ ԶԱԿ-ի մասնաճյուղերի միջոցով իրագործվում են ՓՄՁ զարգացմանն ուղղված աջակցության ծրագրեր ՀՀ մարզերում: Հայաստանի ՓՄՁ ԶԱԿ-ի մասնաճյուղերի միջոցով իրագործվում են ՓՄՁ զարգացմանն ուղղված աջակցության ծրագրերը ՀՀ մարզերում

Հայաստանի ՓՄՁ ԶԱԿ-ը սկսնակ և գործող ՓՄՁ սուբյեկտներին աջակցություն է տրամադրում հետևյալ ծրագրերի իրականացման միջոցով.

• վարկային երաշխավորությունների տրամադրման ծրագիր,
• վարկային տոկոսների մասնակի սուբսիդավորման ծրագիր,
• տեղեկատվական և խորհրդատվական աջակցության ծրագիր,
• թողարկվող արտադրանքի և մատուցվող ծառայությունների շուկաներ առաջխաղացմանն աջակցության ծրագիր,
• ուսուցողական աջակցության ծրագիր,
• սկսնակ գործարարների ձեռներեցությանն աջակցության ծրագիր,
• նորարարությունների, նոր տեխնոլոգիաների և նոր արտադրատեսակների նեդրման հետազոտական և մշակման աշխատանքների իրականացման աջակցության ծրագիր:

Հայաստանի ՓՄՁ ԶԱԿ-ի գործունեության 5 տարիների ընթացքում նշված աջակցության ծրագրերի իրականացման արդյունքում աջակցություն են ստացել շուրջ 20.000 սկսնակ և գործող ՓՄՁ սուբյեկտներ:

“Logicon Development” LLC

Մեկ այլ ներկայացուցչական այց կազմակերպվեց “Լոգիկոն դևելոպմենթ” ՍՊԸ 2007թ. Դեկտեմբերի 4-ին, որը հանդիսանում է Էկոնոմիկայի, իրավունքի և կառավարման ամբիոնի հիմնական գործընկերը:

“Լոգիկոն դևելոպմենթ” ՍՊԸ-ն մասնավոր ընկերություն է, որը մատուցում է մասնագիտական ծառայություններ: Ընկերությունն ապահովում է որակական աջակցություն գործող և սկսնակ փոքր և միջին ձեռնարկություններին իրենց գործունեությունը ՀՀ օրենսդրության և հիմնական միջազգային չափանիշների համաձայն իրականացնելու համար: Այն օգնության ձեռք է մեկնում ձեռնարկություններին` կազմակերպելով վերապատրաստման դասընթացներ և խորհրդատվություն և իրականացնելով նախագծեր, որոնք նախատեսված են բարելավելու և խթանելու նրանց բիզնեսի զարգացմանը: Այլ կերպ ասած, կազմակերպության նպատակը բիզնեսի զարգացմանն աջակցելն է

Այն առաջարկում է մեծ թվով ծառայություններ, ներառյալ հաշվետվության վերստուգում և հաշվապահություն, իրավական խորհրդատվություն, կառավարում, արտահանման հարկային քաղաքականության նախագծում գործող օրենսդրության համաձայն, վերապատրաստման դասընթացներ սկսնակ ձեռնարկությունների համար և մի շարք այլ մասնագիտական ծառայություններ, ներառյալ, բայց ոչ սահմանափակ հետազոտություն և զարգացում, տվյալների բազաների նախագծում, բիզնես պլանի կազմում և մշակում ՀՀ տնտեսության տարբեր ճյուղերի և ոլորտների նախագծի կառավարում:

Ընկերությունն ունի համագործակցության մեծ փորձ մոտ 500 տեղական և միջազգային սեփականատիրական մասնավոր ընկերությունների, կառավարական գործակալությունների և այնպիսի ոչ կառավարական կազմակերպությունների հետ, ինչպիսիք են Համաշխարհային Բանկը, Վերակառուցումների և Զարգացման Եվրոպական Բանկը, Եվրասիա Հիմնադրամը, UNDP Հայաստանը, SME DNC Հայկական Ֆոնդը, Երևանի DSCE Գրասենյակը և շատ ուրիշներ:

Կազմակերպության փիլիսոփայությունը հաճախորդներին ապահովել բարձր մակարդակով, որն անհրաժեշտ է նրանց իրավական և գործնական նպատակներն իրականացնելու համար: Այն հաճախորդները, որոնք զգում են “Լոգիկոն”-ի աջակցության կարիքը, իրենց համար կբացահայտեն մի ոգեշունչ և եռանդուն ֆիրմա, որի նպատակը հաճախորդների հատուկ կարիքների և հետաքրքրությունների ամենաբարձր որակի և անհատական ուշադրության ծառայության մատուցումն է: Անձնակազմը շատ արագ արձագանքում է հաճախորդների կարիքներին: Հաճախորդներին նվիրված գործունեությունը թույլ է տվել կազմակերպությանը դառնալ վստահելի խորհրդատու և բիզնես բաժնետեր, որը հոգում է իր հաճախորդների կարիքները մինչ նրանց բիզնեսի անկումը:

“Ակցեռն” անշարժ գույքի գործակալություն

2007թ. Դեկտեմբերի 5-ին Շվեդիայի և Անգլիայի պատվիրակությունները այցելեցին մասնավոր կազմակերպություններ, որոնք գործում են անշարժ գույքի ոլորտում: “Ակցեռն” այցի ընթացքում մի շարք հարցեր քննարկվեցին Հայաստանի անշարժ գույքի շուկայի վերաբերյալ, մասնավորապես խոսվեց անշարժ գույքի օբյեկտների հետ իրականացվող գարծարքների գործընթացում գործակալների դերի մասին:

“Ակցեռնը” առաջին անշարժ գույքի ընկերությունն է, որն օժտված է մի ամբողջական շարք գործարքներ իրականացնելու լիցենզիայով` առք ու վաճառք, վարձակալություն, բնակելի և առևտրային սեփականության գնահատում (տներ, բնակարաններ, գույքեր, գրասենյակային տարածքներ, հողային սեփականություն, գործնական, հանգստյան տներ և այլն).  

“Ակցեռնը” այս ոլորտում հիմնադիրներից և առաջատարներից մեկն է և սկսել է իր գործունեությունը հայաստանյան անշարժ գույքի շուկայում 1993 թվականից: Կազմակերպության գործարքների շրջանակը նրաբ դարձնում է հայաստանյան անշարժ գույքի շուկայի անբաժանելի մասը: Ընկերությունը սպասարկում է կորպորատիվ բնակելի և ոչ բնակելի վարձակալների բաժինը, ինչպես նաև վաճառքներ իրականացնում քաղաքի և ծայրամասերի հեղինակություն վայելող վայրերում: “Ակցեռնը” Հայաստանի միակ անշարժ գույքի ընկերությունն է, որն ինտերնետի միջոցով սպառողներին և բրոկերներին ապահովում է մուտք դեպի իր տվյալների հիմնապաշար օնլայն որոնումների և գործարքների դադարեցման համար: Ընկերության ռիելթորների, գնահատողների, շինարարների և դիզայներների փորձառու անձնակազմը անում է հնարավոր ամեն ինչ անշարժ գույքին վերաբերող խնդիրների լուծման համար: “Մենք երաշխավորում ենք ձեր բավարարվածությունը մեր անվճար ծառայություններով, որոնք ձեր տան որոնումը դարձնում են դյուրին և հարմար” հանդիսանում է կազմակերպության կարգախոսը:

“Ակցեռն” ընկերությունը Հայաստանի Ռիելթորների և Գնահատողների Ասոցիացիայի նախաձեռնողներից և երկու հիմնադիրներից մեկն էր: 2003թվականին “Ակցեռնը” հաղթանակ տարավ և արժանացավ Համաշխարհային Որակի Ապահովման Միջազգային Աստղ մրցանակին հաճախորդների բավարարվածության, նորարարության և բիզնեսի ասպարեզում նոր տեխնոլոգիաներ կիրառելու, ինչպես նաև այլ որակական հատկանիշների համար: Այս հեղինակավոր մրցանակը մշակվել է եվրոպական “Բիզնես Ձեռներեց ՈՒղղություններ” կազմակերպության կողմից` որակի բարձրացմանը նպաստելու համար: Մեկ այլ “Բարձր Որակի և Բիզնես Հեղինակության” Պլատինե մրցանակը շնորհվեց ընկերությանը 2004թվականին` ապացուցելով նրա`այս ոլորտում իրական առաջատար լինելու փաստը: 2004թվականից սկսած “Ակցեռնը” հանրությանն է ներկայացնում “Ակցեռն Անշարժ Գույք” իր սեփական ամսագիրը, որը լուսաբանում է անշարժ գույքի և շինարարական շուկայի ներկայիս վիճակը և զարգացումը Հայաստանում: Բացի այդ, ամսագրի էջերում կարելի է գտնել բավարար դասակարգված տեղեկություն “Ակցեռն” ընկերության մասին:

Ստուգայց 2009թ փետրվարի 16-18

Ծրագրի ղեկավար Լեյֆ Այդենշտետի կողմից կազկակերպվեց ստուգայց ՏԹԻ-ից 2009թ. փետրվարի 16-18. Եռօրյա այցի ընթացքում մի շարք հանդիպումներ տեղի ունեցան տարբեր պետական մարմինների մասնավորապես` այցելություն ԵրՃՇՊՀ-ի տարբեր ամբիոններ և նոր հիմնադրված ուսումնական կենտրոն: Ստուգող թիմը հանդիպեց նաև տեղեկատվական տեխնոլոգիաների և անգլիական խմբերի ուսանողների հետ: 2009 թ. փետրավրի 17-ին հանդիպումներ տեղի ունեցան Կադաստրի պետական կոմիտեյում, “Մագիստրալ նախագիծ” ՍՊԸ-ում, “Լոգիկոն դևելոպմենթ” ՍՊԸ-ում, “Լեյկա”–ի հայաստանյան ներկայացուցչությունում և այլն: Փետրվարի 18-ին շվեդական պատվիրակությունը այցելեց նաև Ազգային TEMPUS գրասենյակը ՀՀ-ում, ՓՄՁ ԶԱԿ-ը: Վերջին հանդիպումը տեղի ունեցավ ԷԻԿ ամբիոնում ECOMA նախագծի բոլոր մասնակիցների հետ: Քննարկվեցին վերջնական ծրագրի ներդրման, ինչպես նաև նրա առավելությունների և ապագա սպասելիքների մասին հարցեր:

Հանդիպումներ, կոնֆերենցիաներ

Երևանի Ճարտարապետության և Շինարարության Պետական Համալսարանում 23.02.2008թ.-ին տեղի ունեցավ աշխատանքային հանդիպում` եվրոմիության Tempus New master curriculum in real estate ECOnomics and MAnagement (ECOMA) շնորհային ծրագրի շրջանակներում: Աշխատանքային հանդիպմանը մասնակցում էին կառավարող խումբը (Management team), աջակցող խումբը (Reference team), յուրաքանչյուր դասընթացի համար պատասխանատու դասախոսները (Responsible teachers for courses), ինչպես նաև Tempus-ի Հայաստանյան գրասենյակի պատասխանատու և Շվեդիայից ժամանած մասնագետներ.

• Սարգիս Ստեփանյան, ԵրՃՇՊՀ-ի ծրագրի ղեկավար (Project manager), ԷԻԿ ամբիոնի վարիչ
• Վարազդատ Հովհաննիսյան, ծրագրի համակարգող (Project coordinator), ԷԻԿ ամբիոնի ավագ դասախոս (senior lecturer), ԵրՃՇՊՀ
• Լանա Կարլովա, Հայաստանում ազգային TEMPUS գրասենյակի կոորդինատոր,
• Իրինա Վանյան, ԷԻԿ ամբիոնի դասախոս, տնտ. թեկնածու, դոցենտ,
• Արա Հովհաննիսյան, ԷԻԿ ամբիոնի դասախոս, տնտ. թեկնածու,
• Անահիտ Ադամյան, ԷԻԿ ամբիոնի դասախոս, «Մագիստրալ նախագիծ» ՍՊԸ ներկայացուցիչ
• Ատսղիկ Գրիգորյան, ԷԻԿ ամբիոնի դասախոս, KTH-ի գիտական մագիստրոս,
• Լիլիթ Հովումյան, ԷԻԿ ամբիոնի դասախոս, KTH-ի գիտական մագիստրոս,
• Արմեն Վարդանյան, ԷԻԿ ամբիոնի դասախոս, ասպիրանտ,
• Սեդա Բադեյան, ԷԻԿ ամբիոնի դասախոս, «Մագիստրալ նախագիծ» ՍՊԸ ներկայացուցիչ
• Կարապետ Ազնավուրյան, ԷԻԿ ամբիոնի դասախոս, ասպիրանտ,
• Վարդգես Եդոյան, ԵրՃՇՊՀ-ի պրորեկտոր միջազգային կապերի վարչության ղեկավար,
• Կարեն Խաչատրյան, ՀՀ Կառավարությանն առընթեր անշարժ գույքի կադաստրի պետական կոմիտեի Գրանցման բաժնի պետ,
• Վահե Պետրոսյան, ԷԻԿ ամբիոնի դասախոս «Լոգիկոն» ՍՊԸ տնօրեն,
• Ղևոնդ Բարիկյան, «Մագիստրալ նախագիծ» ՍՊԸ ներկայացուցիչ,
• Յորան Իվարսոնը` Swedsurvey AB-ի ծրագրի մենեջեր կադաստրային հողաշինարար,
• Կուրտ Կարլսոն, Swedsurvey AB-ի ավագ GIS խորհրդատու,
• Լարս Էնգբերգ, Lantmateriat-ի գեոդեզիայի ավագ խորհրդատու

Հանդիպմանը քննարկվեցին հետևյալ հարցերը.

• Ծրագրի ներկայիս ընթացքը;
• Մշակվող առարկաների ցանկը, բովանդակությունը և ժամերը;
• Հետագա անելիքները` հատկապես նախապատրաստումը Սթոքհոլմ իրականացվող այցելության;
• Մի շարք այլ կազմակերպչական հարցեր:

Հանդիպումը բացեց Սարգիս Ստեփանյանը, որը հակիրճ ներկայացրեց ծրագրի ընթացքը և առաջիկա անելիքները: Ավելի մանրամասը ծրագրի գործընթացի և առաջիկա անելիքների մասին ներկայացրեց ծրագրի համակարգող` Վարազդատ Հովհաննիսյանը: Նա ներկայացրեց ծրագրի շրջանակներում դասավանդվող առարկաները իրենց բովանդակությամբ և դրանց համար պատասխանատու դասախոսներին: Նշեց այն առարկաների ցանկը, որոնց օրացուցային պլանը (syllabuses) ներկայացվելու է Շվեդիա առաջիկա այցի ժամանակ երկու առարկա իրավունքի ոլորտից հիմնական իրավունք եւ անշարժ գույքի ոլորտին վերաբերող օրենսդրություն (Law), հողերի տեղեկատվական համակարգեր (LIS), Քաղաքային տնտեսության պլանավորում (Urban planning), անշարժ գույքի ձեւավորման տեղեկատվական տեխնոլոգիաների կիրառմամբ ժամանակակից տեխնիկա (Property formation technique), քաղաքային հողերի զարգացում, կուրսային նախագիծ (Urban land development, project), բանակցությունների վարման եւ հաղորդակցման արվեստ (Negotiation and communication) Նշեց, որ դասավանդվող առարկաների ցանկում առանձնացվելու են պարտադիր և ընտրովի առարկաներ: Հանդիպման ընթացքում արտահայտվեցին հիմնականում բոլոր ներկա դասախոսները, ինչպես նաև Շվեդիայի հյուրերը, որոնք նույնպես մեծ հետաքրքրություն ցուցաբերեցին արծարծվող հարցերի վերաբերյալ:

Մասնավորապես պրն. Վարդգես Եդոյանի կողմից հարցադրում արվեց նշված ուղղությունների վերաբերյալ մաթեմատիկական առարկաների առկայության մասին, ինչի վերաբերյալ Սարգիս Ստեփանյանը մեկնաբանեց, որ ծրագրի շրջանակներում նախատեսվում է օգտագործել հայտնի մաթեմատիկական ծրագրերի MathCAD փաթեթը և իրականացնել այդ փաթեթի մայրենի լեզվով մեթոդական ցուցումների հրատարակում: Այս հարցադրման պարզաբանման համար նաև ելույթ ունեցավ Վարազդատ Հովհաննիսյանը: Նա նշեց, որ այս նոր մասնագիտությամբ նախատեսված առարկաները, որոնք պետք է անցնեն ուսանողները, ենթադրում է մաթեմատիկական գիտելիքների առկայություն: Իր անձնական փորձը հաստատելով` Պրագայում ուսանելու ժամանակահատվածում:

Հյուրերի կողմից ներկայացվեցին նաև բոլոր այն օրենքները, որոնք դասավանդվում են անշարժ գույքի կառավարում մասնագիտության շրջանակներում:

Լանա Կարլովայի հարցադրմանը մագիստրատուրա ընդունվողների մասին, Վարազդատ Հովհաննիսյանը ներկայացրեց այն մասնագիտությունների ցանկը, որն ավարտողները կկարողանան մասնակցել ծրագրին` Անշարժ գույքի փորձաքննություն և կառավարում, Քաղաքային տնտեսության էկոնոմիկա և կառավարում, Քաղաքային կադաստր, Կիրառական գեոդեզիա մասնագիտություններ, ինչպես նաև Գյուղ. ինստիտուտի հողաշինություն մասնագիտություն ավարտած ուսանողները: Նա նշեց, որ անհրաժեշտ է բոլոր դիմորդների համար սահմանել այն ընդհանուր չափանիշները, որոնց բավարարման դեպքում դիմորդը կարող է դիտարկվել որպես «Անշարժ գույքի Էկոնոմիկա և կառավարում» մագիստրոսական ծրագրի հնարավոր ուսանող:

Այս հարցի կապակցությամբ Իրինա Վանյանը նշեց, որ պետք է սահմանվի անհրաժեշտ առարկաների ցանկը, որոնք պետք է առկա լինեն Մագիստրատուրա դիմող ուսանողների դիպլոմի ներդիրի մեջ: Նա առաջարկեց յուրաքանչյուր դասախոսի կողմից, ըստ դասավանդվող առարկայի, սահմանել այն չափանիշները, որոնք պարտադիր են ուսանողների համար որպես մնացորդային գիտելիք: Ինչպես նաև պետք է հաստատել կրեդիտների այն մինիմալ քանակը, որը մագիստրատուրա ընդունվող ցանկացողը պետք է հավաքած լինի ըստ համապատասխան առարկայի: Ուստի, իր կարծիքով անհրաժեշտ է նաև բարձրացնել բակալավրիատ ավարտող ուսանողների գիտելիքների մակարդակը: Այս հարցի վերաբերյալ իրենց կարծիքը արտահայտեցին նաև ներկա գտնվող դասախոսներից, մասնավորապես` Աստիկ Գրիգորյանը հարց բարձրացրեց Մագիստրատուրա ընդունվելու համար քննություն անցկացնել այն դիմորդների համար, որոնք կբավարարեն նախնական պահանջները: Այս հարցով իր կարծիքը կիսեց Սարգիս Ստեփանյանը, փաստելով, որ արդեն որոշված է այն նվազագույն գիտելիքների ցանկը, որոնք պարտադիր են, սակայն պաշտոնապես դեռ որոշված չէ ընդունելության հարցը:

Կարեն Խաչատրյանը ավելի մանրամասն արտահայտվեց ուսանողների իրավական գիտելիքների ցածր մակարդակի վերաբերյալ: Այդ իմաստով, նա կարծում է, որ բակալավրիատ ավարտած ուսանողները պետք է իրավունքի վերաբերյալ նախնական գիտելիքներ ունենան:

Ինչ վերաբերում է պրակտիկային, որի հարցադրումն արվեց Լանա Կարլովայի կողմից, ապա ինչպես հավաստիացրեցին Իրանա Վանյանը և այլ դասախոսներ` յուրաքանչյուր առարկա կունենա նաև պրակտիկ դասընթացներ, որոնք առավել կնպաստեն ուսանողների գիտելիքների բարձրացմանը:

Հանդիպման ընթացքում նշվեց, որ ծրագրի շրջանակներում հիմնվելու է ուսուցման կենտրոն, որտեղ կազմակերպվելու են վերապատրաստման դասընթացներ ցանկացողների համար: Ծրագրի ղեկավար` Սարգիս Ստեփանյանը տեղեկացրեց, որ քաղաքացիական ծառայողի խորհրդի հետ կնքված պայմանագրի հիման վրա կազմակերպվելու են քաղաքացիական ծառայողների վերապատրաստման դասընթացներ: Լանա Կարլովան իր համոզմունքն արտահայտեց կենտրոնի աշխատանքի կարևորության մասին` այս ծրագրի իրականացման հարցում: Պրն. Ստեփանյանը պարզաբանեց, որ ԵրՃՇՊՀ-ն պետական, շահույթ չհետապնդող ձեռնարկություն է, որը օրենսդրորեն որոշակիորեն սահմանափակված է իր գործունեության մեջ: Կարծիքներ հնչեցին, որ այդ իմաստով անհրաժեշտ է,  որ կենտրոնը լինի առանձին իրավաբանական անձ,  որի հիմնադիրը կարող է հանդիսանալ ԵրՃՇՊՀ-ն:

Քննարկումների ընթացքում արծարծվեցին նաև օրենսդրությանը վերաբերող հարցեր, խոսվեց ծրագրի շրջանակներում իրականացված աշխատանքների արդյունքում բացահայտված օրենսդրական դաշտում առակա թերությունների, ինչպես նաև կատարվող և սպասվելիք փոփոությունների մասին: Որպես այդպիսին նշվեց, որ անշարժ գույքի ապագա գնահատողները պարտադիր կերպով պետք է Երևանի Պետական Համալսարանում, վճարելով զգալի գումարներ, մեկամսյա դասընթացների մասնակցեն (անկախ նրանից մասնագետ են, թե` ոչ, նրանք պետք է միայն բարձրագույն կրթություն ունենան, այսինքն` կարող են լինել բժիշկներ, անասնաբույժներ, բանասերներ)`, այնուհետև քննություն հանձնեն, հետո նմանատիպ քննություն հանձնեն Կադաստրի Պետական Կոմիտեում (միայն որոշակի պետական տուրք վճարելու դեպքում) ու դրական գնահատականի դեպքում միայն իրենց թույլ կտրվի զբաղվել անշարժ գույքի շուկայական գնահատմամբ: Այս գործընթացը լրացուցիչ խոչընդոտներ է ստեղծում մեր շրջանավարտների համար, որոնք ուսուցման ընթացքում լիարժեք գիտելիքներ են ձեռք բերում այդ ոլորտի վերաբերյալ:

Պրն. Վարդգես Եդոյանի կարծիքով, շատ կարևոր են նաև ազգային յուրահատկությունները, որոնք պետք է կիրառվեն դասավանդման ընթացքում: Նշվեց նաև, որ ծրագրի շրջանակներում իրականացվելու են գովազդային միջոցառումնր հեռուստացույցով, ռադիոյով և ԶԼՄ-ներով, հրատարակվելու են պատասխանատու դասախոսների կողմից մշակված այն ուսումնական ձեռնարկները, որոնց միջոցով դասավանդվելու են հաստատված առարկաները:

Լանա Կարլովան ներկայացրեց նաև ERASMUS-MUNDUS ծրագրի մասին, որը մեծ հնարավորություններ է ստեղծում Եվրոպայում ուսումը շարունակել ցանկացողների համար` տրամադրելով համապատասխան կրթաթոշակ:

 Հանդիպման վերջում որոշվեց.

• յուրաքանչյուր առարկայի դասավանդման բովանդակության հակիրճ բնութագիրը համապատասխան դասախոսը պետք է պատրաստի ոչ ուշ, քան 2008 թ. մարտի 15-ը:
• Այդ ժամանակ ևս կազմակերպվելու է աշխատանքային խմբի ընդլայնված հանդիպում, որտեղ կետ առ կետ քննարկվելու են ծառացած բոլոր հարցերը:
• Շվեդիայում ներկայացվելիք յուրաքանչյուր առարկայի ամբողջական ներկայացումը պետք է պատրաստ լինի ոչ ուշ, քան 2008 թ. ապրիլի 15-ը, որը ևս կուղեկցվի աշխատանքային խմբի համապատասխան հանդիպման կազմակերպմամբ:

Ամփոփում

JEP-27089-2006 Միասնական Եվրոպական Ծրագիրը Tempus-ի շրջանակներում 2007թ. սեպտեմբերից մշակեց “Անշարժ գույքի էկոնոմիկա և կառավարում” նոր մագիստրոսական ուսումնական ծրագիր: Երկամյա ծրագիրը ստեղծել է ԵրՃՇՊՀ-ի ԷԻԿ ամբիոնի կողմից:

Նոր մագիստրոսական ուսումնական ծրագիրը գործելու է 2009թ սեպտեմբերից:

Ուսուցման տևողությունը նախատեսված է 4 կիսամյակ, որն ավարտելով ուսանողները պետք է հավաքեն 120 կրեդիտ: Առաջին երեք կիսամյակները (1.5 տարի) նախատեսված են առարկաների ուսուցման համար 90 կրեդիտով: Վերջին կիսամյակը թեզի պատրաստման և ներկայացման համար է 30 կրեդիտով:

Երկամյա աշխատանքի արդյունքում Մագիստրոսական ծրագրի համար մշակվեցին հետևյալ առարկաները, որոնք ենթարկվեցին փոփոխության ՏԹՀ և ԼԱՀ այցելությունների և հանդիպումների ու քննարկումների ժամանակ:  

271200 - Անշարժ գույքի փորձաքննություն և կառավարում

ա) Անշարժ գույքի փորձաքննություն,
բ) Անշարժ գույքի էկոնոմիկա և կառավարում